"گَل" شئعری 

اورک بهـــانه دوتوب  اود  وورور  قـــراریمــا  گلhejran
گولوم ترحـــم ائله سولمــوش اعــتباریمــا گل

چیــخیر یئریندن اورَک  تیتره ییر   الیــمده  قلم
گؤزومـده دالغالانیب چن دوشــوب دیاریمــا گل

دیلــکلر   امنیتی  ،   آرزو    یامان   چئــکیرم!
دوباره حسرت آهین بســله مه خومــاریما گل

چیچکلرین اورَگین کینه لی شاختالار  بویوروب
باهار  ترانه سی،  باخ!  توزلو   روزیگاریما  گل

سن اولماسان بیلیرسن دونیالار یالاندی  منه
مؤهور  وور آنجاق  اؤزون  وارلیق اعتباریما گل

شاعیر: شریفه جعفری

                                                                                           منبع:zanjan-city.blogfa.com